Slow PC Ko Banaye Fast: USB Ko RAM Banane Ka Tarika (HDD Only)
USB Pendrive Ko RAM Kaise Banaye – Sirf HDD Users Ke Liye
Aaj ke samay me kai log purane laptops aur PCs ka use karte hain jisme RAM kam hoti hai. Kam RAM hone ke kaaran system slow ho jata hai aur multitasking karna mushkil ho jata hai. Lekin ek simple trick se aap apni USB pendrive ko temporary RAM ke roop me use kar sakte hain. Windows me ek feature hota hai jiska naam hai ReadyBoost, jiske through ye kaam kiya ja sakta hai.
ReadyBoost Kya Hai?
ReadyBoost Windows ka ek built-in feature hai jo aapki USB pendrive ya memory card ko system ke cache memory ke roop me use karta hai. Ye tabhi kaam karta hai jab aapka system HDD (Hard Disk Drive) pr chalta ho. Agar aapke system me SSD (Solid State Drive) hai, to Windows ReadyBoost ka use nahi karne deta kyunki SSD already USB se kai guna fast hota hai.
USB Ko RAM Banane Ka Tarika (Only for HDD Users)
-
USB Pendrive Insert Karein (kam se kam 4GB ya usse zyada ho).
-
Pendrive Format Karein (FAT32 ya exFAT format choose karein).
-
This PC Me Jaakar Pendrive Pr Right Click Karein aur Properties select karein.
-
“ReadyBoost” naam ka tab dikhai dega – uspe click karein.
-
Yahan “Use this device” option select karein aur jitna space aap RAM ke liye dena chahte hain, wo choose karein.
-
Apply aur OK pr click karein.
Ab Windows aapki pendrive ka ek hissa RAM ke jaise use karega.
SSD Users Ke Liye Kyon Nahi Kaam Karta?
SSD drives HDD se kai guna fast hoti hain. Isliye Windows ko lagta hai ki ReadyBoost se performance me koi significant improvement nahi aayega. Is wajah se agar aap SSD use kar rahe hain to ReadyBoost option disable hota hai.
Nuksaan Aur Limitations
-
Ye trick permanent RAM ka substitute nahi hai.
-
Performance me halki phulki improvement hoti hai, lekin high-end tasks ke liye ye kaafi nahi hota.
-
Agar pendrive slow hai to fayda nahi milega.
Post Comment